Улаанбаатар
Улаанбаатар-Замын-Үүд-Улаанбаатар чиглэлийн галт тэрэгний цагийн хуваарийг өөрчлөв
МОНГОЛЫН МЭДЭЭ | НИЙГЭМ
Улаанбаатар /МОНЦАМЭ/. Замын-Үүд-Эрээн боомтын зорчигч тээврийн хөдөлгөөнийг нээсэнтэй холбогдуулан иргэдийн хүсэлтээр энэ оны 1 дүгээр сарын 22-ноос эхлэн одоо аялж буй Улаанбаатар-Замын-Үүд-Улаанбаатар чиглэлийн зорчигчийн галт тэрэг Улаанбаатар-Замын-Үүд-Улаанбаатар болон Улаанбаатар-Сайншанд-Улаанбаатар чиглэлд аялах болсныг "УБТЗ” ХНН мэдэгдлээ.
Тодруулбал, Улаанбаатар-Замын-Үүд-Улаанбаатар чиглэлийн галт
тэрэгний цагийн хуваарийг дараах
байдлаар өөрчилжээ. Үүнд:
1. Улаанбаатар-Замын-Үүд-Улаанбаатар чиглэлийн зорчигчийн
276/275 галт тэрэг Улаанбаатараас Даваа, Мягмар, Лхагва, Пүрэв, Бямба, Ням
гарагт 16.50 цагт, Баасан гарагт 15.55 цагт хөдөлж, Замын-Үүд өртөөнд 7.20
цагт очно.
Харин Замын-Үүдээс өдөр бүр 18.05 цагт хөдөлж, Улаанбаатарт 9.20 цагт ирнэ.
2. Улаанбаатар-Сайншанд-Улаанбаатар чиглэлийн зорчигчийн
286/285 галт тэрэгний хувьд Улаанбаатараас өдөр бүр 20.58 цагт хөдөлж, Сайншанд
өртөөнд 7.30 цагт очно. Сайншандаас өдөр бүр 19.40 цагт хөдөлж, Улаанбаатар
өртөөнд 7.07 цагт ирнэ.
Дээрх цагийн хуваарийн өөрчлөлттэй холбоотой Айраг-Бор-Өндөр-Айраг чиглэлийн зорчигчийн 609/610 галт тэрэгний хуваарийг мөн өөрчилжээ. Үүнд:
Улаанбаатараас Пүрэв, Бямба гарагт 286 дугаар галт тэргээр
явах бөгөөд Айраг өртөөнд салж, тус өртөөнөөс 610 дугаар галт тэргээр 6.15
цагт хөдлөн, Бор-Өндөр өртөөнд 7:50 цагт хүрнэ. Ингэхдээ Айраг-Бор-Өндөр
хоорондын замын 27, 38 дугаар км-т 2 минутын зогсолттой аялна.
Бор-Өндөрөөс Баасан, Ням гарагт 609 дугаар галт тэрэг 20.15
цагт хөдөлж, Айраг өртөөнд 21.30 цагт очно. Айраг өртөөнөөс 285 дугаар галт
тэргэнд холбогдон Улаанбаатарт Даваа, Бямба гарагт хүрнэ. Ингэхдээ
Айраг-Бор-Өндөр хоорондын замын 27, 38 дугаар км-т мөн 2 минутын зогсолттой
аялах аж.
