Улаанбаатар
Баруун аймаг руу зорчих нислэгийн тийзийн үнийг 10 хувь хямдрууллаа
МОНГОЛЫН МЭДЭЭ | НИЙГЭМ
Улаанбаатар, 2024 оны тавдугаар сарын 6 /МОНЦАМЭ/. Баруун аймаг руу зорчих нислэгийн тийзийн үнийг 10 хувиар хямдрууллаа.
МИАТ ТӨХК нь 70
хүний суудалтай CRJ-700 Мазаалай агаарын хөлгөө өнгөрсөн сард хүлээн
авсан бөгөөд тус онгоцоор
Ховд, Увс, Завхан, Говь-Алтай, Баян-Өлгий чиглэлд нислэг үйлдэж байна.
Улаанбаатар-Ховд, Улаанбаатар-Өлгий чиглэлд нэг талдаа 405
мянга байсан бол 365 мянга, хоёр талдаа 810 мянга байсан бол 730 мянга,
Улаанбаатар-Улаангом чиглэлд нэг талдаа 400 мянга байсан бол
360 мянга, хоёр талдаа 800 мянга байсан бол 720 мянга,
Улаанбаатар-Улиастай чиглэлд нэг талдаа 316 мянга 700 байсан
бол 286 мянга, хоёр талдаа 633 мянга 400 байсан бол 572 мянга,
Улаанбаатар-Алтай чиглэлд нэг талдаа 366 мянга 500 байсан
бол 330 мянга, хоёр талдаа 733 мянга байсан бол 660 мянга болж тус тус хямдарчээ.
Орон нутгийн нислэгийг 15 жилийн дараа сэргээснээр тийзийн үнэ буурч, 1500 километрээс дээш алслагдсан Ховд, Говь-Алтай, Баян-Өлгий аймаг руу автомашинаар 22-25 цаг явдаг бол, тогтмол нислэгтэй болсноор 1 цаг 25 минут зорчиж цаг хугацааг 20 дахин хэмнэж байгааг ЗТХЯ мэдээлэв.
