Улаанбаатар
“УБТЗ” ХНН-ийн Ерөнхий хорооны хурлаар 11 асуудал хэлэлцсэнээс 10 нь дэмжигджээ
МОНГОЛЫН МЭДЭЭ | УБТЗ ӨНӨӨДӨР
Улаанбаатар /МОНЦАМЭ/. Саяхан хуралдсан “УБТЗ” ХНН-ийн Ерөнхий
хорооны хурлын талаар “УБТЗ” ХНН-ээс тодруулахад дараах хариултыг өглөө.
"Улаанбаатар төмөр зам” ХНН-ийн Ерөнхий
хорооны хурал энэ сарын 12-ноос 13-ны өдрүүдэд ОХУ-ын Эрхүү
хотноо боллоо. Хуралд Монголын талаас Ерөнхий хорооны орлогч
дарга, Зам, тээврийн хөгжлийн дэд сайд Ж.Бат-Эрдэнэ, Ерөнхий хорооны гишүүн
ЗГХЭГ-ийн ахлах референт Н.Буяндэлгэр нар биечлэн оролцсон бол Ерөнхий хорооны
гишүүн ЗТХЯ-ны ТЗДТБХЗГ-ын дарга Б.Артур цахимаар оролцов.
Оросын талаас Ерөнхий хорооны дарга,
“Оросын төмөр замууд” НХН-ийн Ерөнхий захирлын нэгдүгээр орлогч С.А.Павлов,
“Оросын төмөр замууд" НХН-ийн Ерөнхий захирлын дотоод аудит, хяналт
хариуцсан орлогч А.М.Чабунин нар биечлэн, Ерөнхий хорооны гишүүн, ОХУ-ын
Тээврийн дэд сайд В.А Токарев цахимаар тус тус оролцсон байна.
Хурлын үйл ажиллагаа 2021 оны 10 дугаар сарын 12-ны өдрийн 12.00 цагаас оройны 22.00 цаг хүртэл, мөн 10 дугаар сарын 13-ны өглөөний 9.00 цагаас өдрийн 13.00 цаг хүртэл үргэлжилж, Ерөнхий хорооны дарга, “Оросын төмөр замууд” НХН-ийн Ерөнхий захирлын нэгдүгээр орлогч С.А Павлов, Ерөнхий хорооны орлогч дарга, Зам, тээврийн хөгжлийн дэд сайд Ж.Бат-Эрдэнэ, Ерөнхий хорооны гишүүн ЗГХЭГ-ийн ахлах референт Н.Буяндэлгэр, УБТЗ-ын нэгдүгээр орлогч дарга И.В.Милостных нар үг хэлж, Нийгэмлэгийн үйл ажиллагаатай холбоотой 11 асуудлыг хэлэлцүүлснээс 10 асуудал дэмжигдсэн бөгөөд 1 асуудлыг дараагийн хурлаар хэлэлцэхээр түр хойшлуулсан байна.
